Тақвим

<< < Март 2024 > >>
С Ч П Ҷ Ш Я Д
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Обу ҳаво

Меҳмонони сомона

Flag Counter

МАЪЛУМОТ ОИД БА АИКТ

AIKT

    Академияи илмҳои кишоварзии Тоҷикистон дар заминаи муассисаҳои илмию таҳқиқотии соҳавӣ ҳамчун муассисаи илмию таҳқиқотӣ бо Фармони Президенти Ҷумҳурии Шӯравии Сотсиалистии Тоҷикистон, таҳти №Ф11-173, аз 19 июли соли 1991 ва Қарори Девони Вазирони Ҷумҳурии Тоҷикистон аз 27 сентябри соли 1991, таҳти №294 таъсис ёфта, самараи Истиқлолияти давлатии Ҷумҳурии Тоҷикистон мебошад. Мақсади асосии созмондиҳии Академия баланд бардоштани самаранокии таҳқиқот, тайёр кардани кадрҳои баландихтисос, беҳтар намудани ҳамоҳангсозии илми кишоварзӣ дар ҷумҳурӣ, ҳамкориҳо бо муассисаҳои соҳавии ватанию хориҷӣ ва таъмини илмии рушди соҳаҳои комплекси агросаноатӣ мебошад.

ПРЕЗИДЕНТОНИ АКАДЕМИЯИ ИЛМҲОИ КИШОВАРЗИ ТОҶИКИСТОН

 

Mahsumov A                                                          Bobo S

     Президент-ташкилотчии                                                                        Сангинов Б.С.
АИКТ-академик Махсумов А.Н.                                                                   (1993-2005)
                 (1991-1992)

 Nabiev T                                                                           Ahmadov H   
           Набиев Т.Н.                                                                                                    Аҳмадов Ҳ.М                    
           (2005-2008)                                                                                                        (2008-2013)    

         Sattori I                                                                    Asozod Abau1t

                     Сатторӣ И.                                                                                                  Асозода Н.М.
                     (2013-2016)                                                                                              (2016 то 2024)

   Ҳоло ба ҳайати Академия 9 академик (Асозода Н.М., Аҳмадов Ҳ.М., Ахмедов Т.А., Бухориев Т.А., Комилзода Д.Қ., Мирзоев Д.М., Набиев Т.Н., Пиризода Ҷ.С., Сатторӣ И.) ва 4 аъзои вобастаи АИКТ (Аноятбеков М., Саидзода С.Т., Салимзода А.Ф, Сардоров М.Н.), инчунин 2 аъзои хориҷӣ (Адел Ел-Белтаги-Миср, Раджендра Сингх Парода-Ҳиндустон) шомиланд.

   Рушди Академия дар давраи Истиқлолияти давлатӣ аз ҷониби Сарвари давлат ва Ҳукумати Ҷумҳурии Тоҷикистон мунтазам дастгирӣ гардида, бо қарори Ҳукумати Ҷумҳурии Тоҷикистон аз 30 декабри соли 2015, №790 “Барномаи давлатии рушди Академияи илмҳои кишоварзии Тоҷикистон дар солҳои 2016-2020” тасдиқ гардида, иҷрои барномаи мазкур ба рушди Академия мусоидат намуд. Бо мақсади рушди минбаъдаи Академия бо қарори Ҳукумати Ҷумҳурии Тоҷикистон аз 30.04.2021, №171 “Барномаи давлатии рушди Академияи илмҳои кишоварзии Тоҷикистон барои солҳои 2021-2025” тасдиқ гардид.

   Академия ҳамоҳангсози таҳқиқоти илми кишоварзӣ дар ҳамаи зерсохторҳои Комплекси агросаноатии ҷумҳурӣ маҳсуб ёфта, дар рушди бахшҳои соҳа ва афзун намудани истеҳсоли маҳсулоти он нақши бориз дорад. Бо назардошти ин, дар суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни мулоқот бо кормандони соҳаҳои илму маориф ва аҳли эҷоди мамлакат аз 18 марти соли 2020 қайд гардидааст «Вазифаи асосии Академияи мазкур тавассути фаъолияти илмӣ дар ҳамаи бахшҳои кишоварзӣ ноил гардидан ба дастовардҳои навтарин дар ин самт ва мусоидат ба татбиқи яке аз ҳадафҳои стратегии кишвар-ҳифзи амнияти озуқаворӣ мебошад».

   Сохтори нави Академия бо қарори Ҳукумати Ҷумҳурии Тоҷикистон аз 31 августи соли 2020, №487 “Дар бораи ворид намудани тағйирот ба қарори Ҳукумати Ҷумҳурии Тоҷикистон аз 02.05.2008, №215” тасдиқ гардида, ҳоло дар ҳайати Академия 11 муассисаи илмӣ, аз он ҷумла Институтҳои зироаткорӣ, боғу токпарварӣ ва сабзавоткорӣ, хокшиносӣ ва агрохимия, чорводорӣ ва чарогоҳ, тибби ветеринарӣ, масоили амнияти биологӣ ва биотехнология, иқтисодиёт ва таҳқиқи системавии рушди кишоварзӣ, Маркази миллии захираҳои генетикӣ, Маркази илмии технологияҳои инноватсионӣ ва механиконии кишоварзӣ, Маркази ҷумҳуриявии илмию таҳқиқотии пиллапарварӣ ва Маркази илмии кишоварзии Помир фаъолият менамоянд. Муассисаҳои илмӣ дорои 24 филиал, стансия ва хоҷагиҳои таҷрибавӣ мебошанд. Дар ин муассисаҳо 1118 нафар корманд, аз ҷумла 566 ходими илмӣ, аз онҳо 41 доктор, 148 номзади илм ва 29 магистр ба таҳқиқотҳои илмӣ сафарбар гардидаанд. Аз дигар муассисаҳои ҷумҳурӣ 11 доктор ва 17 номзади илм ҳамчун ҳамкор барои иҷрои корҳои илмию таҳқиқотӣ, ҷалб карда шудаанд.



© 2013 - 2024 Академияи илмҳои кишоварзииТоҷикистон
Нишони: 734025 Ҷумҳурии Тоҷикистон, ш. Душанбе, хиёбони Рӯдакӣ 21 “А”.
Факс/Телефон: (+992 37) 221-70-04
E-Mail: aikt91@mail.ru